Let it go and don’t

Let it go and don’t

احترت بترجمه العنوان من اللغه العربيه الى الانجليزية

لاتمشي حالك

كان فيه اكثر من اقتراح و حسيت هذا افضل اختيار

Let it go and don’t

اقصد فيها انك تمشي حالك و ماتمشيها

سمعت قبل فتره ببرنامج بودكاست موضوع من تقديم نوف حكيم و ضيفتها ربى صيداني

عنوان البودكاست كان لاتمشي حالك

و من هنا بدأت افكر

قد ايش احنا قاعدين نمشي حالنا بكثير اشياء المفروض ان احنا مانمشي حالنا فيها و المقصود بتمشيه الحال ان انا اسوي اشياء عكس طبيعتي او ماتناسبني او لان كل الناس معاهم لازم يكون معي و هالشي انا ماراح انظر له من منظور تصرف صح او غلط راح انظر له بمنظور اي انسان يبغى يعيش حياة طيبه سهله لها معنى لو بس له هو لان لما يكون لك معنى

الحياة راح تستفيد من وجودك بطريقة او بأخرى !

ضروري تعرف انك كأنسان ماوجدت و ماخلقت عبثا كل شخص له بصمه خاصه و من نظري انك لما ماتمشي حالك راح تعرف بالضبط انت حياتك كيف تعيشها بدون شروط او قيود و بدون تمشيه حال

لاتخلي قيمه الحياة موقف حرج تنحط فيه يخليك تعرف ان للحياة قيمه اعظم من اللي كنت تظنها

مثل ماصار معي اعتقد احيانا الحياة تعطينا فرصه للحياة

اللي صار كنا بطريق سفر و فجأه طار الكفر الامامي للسياره بثوان و كأنها مثل حلم الحمدلله يارب ماصار لاحد شي و انكتب لنا فرصه للحياة من جديد

و من هنا انطلقت فكره ان الحياه تعطيك فرصه للحياة

عشان كذا لاتمشي حالك باابسط شي تمارسه

لاتمشي حالك في اي شي ماتحسه انت و لا يمثلك و لا يشبه لك

لاتمشي حالك لما ماتقدر تدرس ماتقدر تحضر ماعندك رغبه لاتمشي حالك ابدا

خليك صادق و صريح بكل ادب و بدون وقاحه و لاتجامل على حساب نفسك لانك هنا بتكون فعلا تمشي حالك لو جاملت

لاتمشي حالك مع اشخاص علاقات قرارات خيارات ماتشبهك بس لان الكل يتبعها

الحياه قصيرة جدا لاتمشي حالك عيشها بكل مااوتيت من شغف و حب

قد ايش ممكن نفوت فرص على انفسنا لما نمشي حالنا

لاتمشي حالك بتأجيل امور قلبك يبيها عشان ممكن تخاف او عشان هي خارجه عن المألوف

لا تمشي حالك بمشروع و تتوقع انك راح تربح بالاخير ايا كان الربح ممكن تربح لكن خلال هالطريق تكون خسرت اكثر

نوت لطيف :

فيه حاجات تحتمل التجربة لاتحرم نفسك حق هالتجربة يمكن هنا مشي حالك عشان تعرف

و لان لكل قاعده شواذ استخدم هالقاعده لاتمشي حالك لما فعلا تتعرف على روحك و تكون عارف بالعمق مين انت

يعني كل ماعرفت نفسي اكثر كل ماصرت ماامشي حالي و لكن في مرحله من حياتنا نحتاج نمشي حالنا للاكتشاف و المعرفه

شيخه

كتبت ماكتبت لان كل شخص يستحق حياة جميلة بسيطة

لاتمشي حالك بس عشان تمشي ترا بالنهاية تطيح بقوة او ابسطها ماراح تكون سعيد

و السعاده و راحه القلب اهم حاجه اقدر اضمنها لك اذا ماكنت تمشي حالك