كنت راح انزل هالموضوع بدون مقدمات
لكن أظن و بشدة
أن كل شخص راح يقرأ من حقه يعرف رحلتي مع قراءة هالكتاب و اللي على أساسه كتبت هالموضوع
استمرت قراءتي للكتاب عام كامل من 2019 يونيو إلى يونيو 2020
هالنوع من الكتب اللي تشوفه للوهله الاولى تحس انك متحمس و راح تخلص الكتاب في وقت وجيز
تفاجأت أن هالكتاب للتأمل و للتطبيق أولا يعني تقرأ معلومة و تراقبها على مدى بعيد
الكتاب مو نفس كتب التنمية الذاتية المعتاده اللي تبث لك أمل و شعور جيد
لأ
الكتاب هذا ماراح يستفيد منه غير اللي يتشرب الأفكار الموجودة فيه
الكتاب غير صالح للمناقشة الجماعية لان كل شخص يحتاج يعيش تجربته الخاصة اللي مستحيل تشابه أحد غير روحك
اللي حبيته أيضا أنك بعد قراءة المقدمة تقدر تقرأ أي جزء يهمك العلاقات أو العمل أو الحب أو مراحل الوعي المختلفه اللي اشتهر فيها هاوكينز.
–
كتاب السماح بالرحيل من الكتب اللي مؤخرا أخذت اهتمام عالي جدا من القراء بشكل غريب و مستغرب
البعض قام يناقشه في نوادي الكتاب
أنا مو مع أو ضد
لكن خلال قراءتي لهالكتاب
كان عميق جدا لدرجة مناقشته مع مجموعه من الاشخاص فكره غير محببة
الكتاب يحتوي على تكنيكات كثيرة و تطبيقات عاليه و كثيرة يعني
اللي يقرأ لمجرد القراءة ماينفعه
اللي يقرأ عشان هو ترند بعد ماراح ينفعه
و على فكره
أسم الكتاب بجهة و المحتوى بجهة أخرى( المقصد من هالعبارة أن مو أن الكتاب غير جيد و إنما هو جيد جدا بدرجة عميقة)
و اذا كنت راح تقرأ لديفيد هاوكنز هالكتاب الأول أنصحك ان تأخر قراءته و تقرأ شي اخر من مؤلفاته عشان تفهم طريقة الكاتب في توصيل المعلومه و شرحها لان هذا الكتاب بالذات مليان تطبيقات عملية و تأملية و ما أبالغ جدا لو قلت ان يبي له حول العام قراءة استيعاب و تطبيق
أحب جميع انواع الكتب و لا أتحيز لنوع معين
لكن كتاب مثل كتاب السماح بالرحيل فجأة و فعلا فجأه
الكل الكل بدأ يقرأ فيه دون وعي و بدون تفكير فقط لأن الافضل مبيعا
صدقا هالكتاب ذكرني بموجة كتاب فن اللامبالاة بس لان محمد صلاح قرأه الكل اشتراه و تم ترجمته بسرعه و صار من الافضل مبيعا
المسأله
ختاما :
كمحبة للقراءة و كمحبة للكتابه عن الكتب
اختار الكتب اللي يخدم حاجتك الحالية
الكتب اللي تخلي منك شخص مختلف اللي تخليك ترى و تشعر بمعاناه غيرك
الكتب الحية الروح اللي تخليك في تجدد دائم و مستمر
مايهم
الناس وش تقرأ الحين
أنت وش خاطرك تقرأ وش خاطرك تعرف
أي ثقافة تبي تكتشف
كتب التنمية الذاتية جميلة و تخدم كثير جوانب اذا تم اختياراها لأسباب واضحك لك تماما
لكنها ليست الوحيده اللي تضمن لك التطور دائم أفكر كم الكتب العظيمة اللي مرت علينا وكان بإمكانها أن تغير فينا شي و لا انتبهنا لها و هالتأمل يخليني اختار كتبي بعناية فائقة جدا تخدمني و تناسبني
لاتنخدع باللي حولك في وسائل التواصل الاجتماعي و خلك صاحب الاختيار الأول و الأخير
ممكن تقرأ مراجعات للكتب اللي تهمك لكن لايكون بس زيارتك للمكتبة بس عشان تختار الكتب اللي شفتها عند مين مااكان مستثنى من هذه العبارة الاشخاص اللي تثقون برأيهم و اختياراتهم تناسب ذوقك العام
لكل شخص يقرأ لابد يكون عندك هذه العائلة القرائية اللي توسع أفكارك و مداركك لإقصى حد !
هذه التدوينة الأولى بما يخص الكتاب
التدوينة القادمة راح تكون عن الأقسام المميزة و كيف قرأتها ؟!
يومكم نعيم و نور و و مبارك عليكم الشهر و شكرا لوقتكم
الموضوع مشحون حب لكم كتب بروقان تام أتمنى توصلكم مشاعري خلال قراءتكم.
تمت.
A Coffee Shot 