The power of words

:قوه الكلمه

بعد غيبه طويله لقيت ان انسب موضوع ارجع فيه وبقوه ” قوه الكلمه “

قوه الكلمه تؤثر بشكل كبير على الحياه الحاليه و على المستقبل القريب و البعيد

يحضرني الان قول علي بن ابي طالب رضي الله عنه ” كل متوقع ات ” و اعتقد انه يدخل تحت قوه الكلمة و تأثيرها من خلال تفاعلنا مع كلماتنا .

محاور الموضوع بتكون ؛

يعني ايش قوه الكلمه ؟

هل فعلا الكلمات تؤثر فينا ؟

كيف نستفيد من هالقانون ونطبقه على حياتنا و كيف نساعد الاخرين ان نكون لهم اثر طيب عن طريق الكلمات ؟

” و قبل كل شي اللي بالمقال يعتبر رأي شخصي ممكن تتفق معاي فيه و ممكن لا “

ادركت في عام 2015 كيف ان كلماتنا فعلا لها أثر علينا و الاكتشاف كان بمحض الصدفه

كنت ارتب متعلقاتي الشخصيه ولقيت الكتاب الاخضر و الكتاب الاحمر طبعا الاخضر كان ل 2013 و الاحمر 2014

لقيت اني كنت كاتبه تفاصيل اشياء و كأني كنت اعيشها و كنت مبهورة جدا لان بهذاك الوقت ماكان في اي مؤشر ان من الممكن حدوث هالشغلات اللي تكلمت عنها و ان من الممكن ان اوصل بس كنت اخاطب نفسي و كأني وصلت .

الكلمات مو خيال مثل مالبعض يقول هي قوة الله معطينا هالنعمه بالتساوي

ولكن فيه جزء مننا يسثمرها صح و فيه جزء اخر مايؤمن فيها و فيه جزء ممكن ضبطت معهم بالصدفه مثل ماحصل لي

لكن

في اللحظة اللي ادركت فيها ان الكلمات لها قوه و ان فعلا مجرد تحملي لمسؤوليه الكلمات اللي قلتها راح ينعكس على حياتي الحالية او المقبله صرت استخدم هالشي لصالحي .

تنويه :

مو كل كلمه نقولها خلاص نتوقع انها تصير حالا بالا و خصوصا اذا وصلت لمرحله الادراك ان كلماتنا هي قوتنا لازم اذكرك بشي احيانا نتكلم و نعبر ان احنا نبي اشياء لكن بالعمق و الغيب هي ماتكون مناسبه لنا لذلك مو بالضرورة اي شي طلبته بالكلمات راح يصير مو ممكن مايصير بس راح يصير اللي افضل منه او يجي بديل اجمل و بهالحاله انا اكون مبسوطة اكثر لان الله اختار لي و مافيه اجمل من لحظة التسليم هذي .

اللي نويت أقوله بكل بساطة ان استمروا تقولون لانفسكم كلمات جميلة لطيفه محفزه ،. حاوروا انفسكم و اعرفوا متطلباتها كل ماعرفت نفسك اكثر كل ماقدرت تتكلم معاها بشكل افضل و تعطيها اللي تستحقه

اتمنى لكم ليلة لطيفة هانئة مليانه نوايا كلمات تستحقونها و تدفعكم للأمام

تمت 💜. ( لكل شخص وصل لما اخر المقال شكراً لانك ساعدتني في هدف اني اوصل لك قوه الكلمة ، و الآن انطلق في بحر تجربتك الخاصه و اللي ماتشبه احد غيرك )

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s