Perfect time

الوقت المناسب

صباح الجمال و مساء اللطف الخفي

تمر علينا لحظات و ساعات نتمنى اننا وصلنا لشي معين من التجارب من الحب من العلم من المعرفة من اي شي يمثل لنا قيمة عالية بحياتنا و كل قيمة تختلف من شخص لآخر ناسين او متناسين ان كل شي يجي بالوقت المناسب الظرف المناسب المكان المناسب اختياري للموضوع هذا ماكان ارتجالي و إنما بعد عده تجارب كنت اتمنى حدوث اشياء بوقت معين من دون تفكير هالشي ابدا ماكان لصالحي لان عدم تحقق الشي يساوي شعور احباط و زعل و توتر و خوف و خوف و مايخليني اثق بصوتي الداخلي !

خلينا نتعلم نحدد لنا اشياء معينه حسب سلم قيمنا و نبدأ فيها وحده وحده مثلا قيمه المعرفه ..

كل يوم اتعلم شي جديد لغه جديده دولة جديدة ابكليشن جديد لما اوصل للي ابيه و ممكن من خلال تنوع معرفتنا نكتشف ميولنا الخاص

لو كنت محدد ميولك و هدفك كل يوم ضيف شي بسيط و على طريقه الكايزن اللي هي اساس حديث الرسول صلى الله عليه وسلم بما معناه ( خير دائم افضل من كثير منقطع )

اللي كنت بقوله و الهدف !

انك لاتخاف

علمونا ان اذا ماصار الشي بالعمر الفلاني معناته راح

انا اقول لا .. مافاتك القطار القطار هذا اذا راح فيه عشرات القطارات اللي راح تجي كل ماقويت ايمانك بالله كل ماكانت النتيجة رضى تام من قلبك و روحك لما تتعلم تسلم و تقبل باللي موجود يجي اللي احسن منه .

تقول اذا ماصار كذا معناته كذا لاتحكم لاتتوتر اللي ماحصل الحين معناته هذا مو الوقت المناسب انت بمعيه ربك و ربنا يحب عباده طريقه الكايزن حلوه ليه ؟ لانها تساعدك على الاستعداد و تحفزك بدون مااربطها بشي هي مجرد سلسله افعال و مشاعر توصل إلى مانريد بالوقت المناسب مع الاشخاص المناسبين و الروح المناسبة

سبق و تكلمت في بلوق سابق عن موضوع وقلت اني بتكلم عن كيف استفتي قلبي ؟

قال الرسول صلى الله عليه وسلم : ( استفت قلبك و لو افتاك الناس و افتوك )

انت اعرف بنفسك محد يقدر يعرفها غيرك اسأل نفسك كل يوم انا

انا اعرف نفسي او لا ؟

لما تتعرف على ايش تحب و ايش ماتحب ميولك اهدافك طموحك الحاجات اللي تسمع تكون موجوده بدائرتك و مع التحسين كل يوم بدون ملل و كسل هنا احب اقولك انك مؤهل انك تسمع قلبك

الشي الثاني احيان القلب يقول اشياء غير مفهومه و ممكن الظاهر غير بس ترا يقول الصدق و لا عمرنا نربط العقل مع القلب و نقارن بينهم هم واحد اذا اتحدوا لو فهمت نفسك !

شيخه

كتبت ماكتبت لانني وصلت الى الوقت المناسب المكان و الوضع المناسب

اللي كنت احلم فيه امس و اليوم صار حقيقه و واقع

كتبت عشان اقول لكل شخص خايف يائس انه فات الاوان انا هنا اقول الوقت الحلو المناسب ماجاء و كل ماصبرت الله يجيب افضل من اللي تتمناه و اكثر و كرم الله عظيم للصابرين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s