The hidden kindness

 

 

 

!الصدفة و الاقدار و هل هناك صدفة ؟

اكتب لكم وانا كلي حب و خوف و ربكه صار معاي موضوع خلاني افكر بنفس هالسوال اللي جاني في نفس يوم سفري أتوقع اني لقيت الإجابة من خلال الموقف اللي صار لي

وش الرابط بين الصدفة و الاقدار و هل فعلا بينهم توافق او كل موضوع لحاله ؟!

اعتبر الصدفة جزء من أقدارنا و طريقة تعاملنا مع هالصدفه تحدد بقاءها و استمرارها من عدمه

احب اسمي الصدفة ب اسم ارق و اجمل و يمكن ملامس لها تكون تحت اسم اللطف الخفي 💗

اللطف الخفي من الله و اللي تعتبر رسائل من السماء وقعها و مشاهدتها على الارض ، تعديل مسار ، تغيير أقدار ، اختبار لمرحله اعلى ،

(اللطف الخفي )الصدفه احنا نسميها صدفه لانها ماتكون ع البال او الخاطر إحيانا تكون مرت بخواطرنا و احيانا فيه ملامح تكون موجودة بس احنا مااعرنا لها الاهتمام قطعيا لايوجد صدفه بشكل مفاجئ ، بل لطف خفي متراكم على هيئة صدفة 💗 لما نستشعرها من العقل نقولها صدفة لكن لما نستشعرها بالقلب مانسميها نحس فيها و نستقبل و نتقبل لما توصل لهالمرحلة حتى كلمه صدفة ماراح تقولها راح يكون عندك استشعار ان القدر مربوط باللي نحسه و نفكر فيه !

القدر موكل بالمنطق وش معنئ هالكلام !

أقدارنا تتغير و تتبدل انطلاقا من ارواحنا و اللي نستشعرها و الصدفه ماهي الا عامل أساسي لتغيير أقدارنا 🧘🏾‍♀️

الاقدار بداخلها الصدف على هيئة لطف خفي الحكم هل هي مترابطة من عدمه يرجع لطريقة شعورك و إحساسك ممكن بتغير المواقف يتغير الحكم

شيخه

اتمنى لكم ايام مليانه لطف خفي و بركات لاتعد و لا تحصئ

شكرا لرهف لانها ألهمتني أتكلم عن هالموضوع 💕