اشياء علمتني ياها الحياة

تعلمت و اكتشفت من الحياة و من تجاربي الخاصه هالاشياء و ما ننسى ان ليلحين قاعده اتعلم


 

انت تتغير و الناس يتغيرون. عادي هذه الحياة حنا نكبر مع الوقت نظرتنا حق وايد اشياء تتغير

اللي ربي كاتبلي ياه وايد احسن من اللي اتمناه حق نفسي

محد يظل لحد.

اني ما اثق بالناس خاصه اللي كلامهم اكثر من فعلهم

تكون نيتي صافيه بكل شي اسويه.

اللي ما يحطك اولويه بحياته، شيله من لستت الاولويات مالتك. انتهى

الكل يستاهل فرصه ثانيه بس ماكو شي اسمه فرصه ثالثه

اقوم من النوم بأفكار حلوة و ابني على اساسها يومي.

الاحلام سهل تتحقق اذا كنت ناوي انت تحققها

لو احنا نعطي نفسنا مجال والله نقدر نسوي اشياء خياليه

ان عمري ما اقارن نفسي باحد لان عندي قناعه ان كل شي له وجهه نظر مو ضروري توافق وجهات نظري

اذا في موضوع و اختلفت وجهات النظر “اوافق ان لا اوافق”

مو مضطره اجامل.

لو وين وصلت و شنو صرت بظل ” متواضعه” و الحمدالله

عشان اكون سعيده لازم اكون مرتاحه نفسيا

مو غلط اني احط نفسي قبل الناس، خسرت نفسي عشان ناس و اخر شي خسرتهم بعد ف ما اعتبر هالشي “انانيه”

اول كنت افكر كل الناس زينين، الحين اتبع نظريه ” الشخص مو زين ليما يثبت نفسه” مادري شلون اشرح اكثر من جذي. لان مو الكل نيته صافيه

الناس اللي اثق فيهم ما يعدون ٥

اذا حطيت شي براسي اسويه، تعلمت ان ماكو شي “مستحيل” بس وصوله صعب و يبيله وقت

الفلوس مو كل شي و اعتبرها شي ثانوي بحياتي

ماكو شي اسمه فشل لان لو مو المطبات اللي بحياتي چان ما تعلمت

تعلمت اني اشيل نفسي بنفسي

اكتشفت اذا ما كنت مرتاحه مع نفسي ماراح اكون مرتاحه مع الناس و لازم احب نفسي عشان احب الناس

عادي اكلم نفسي و انا اسوق او اسوي شي ما اعتبره “جنون” كلش

تعلمت ان الوقت يمر بسرعه ف لازم استغل كل دقيقه تمر

تعلمت ان ما اغير او انزل من مبادئي عشان الناس

الاخلاق و الجمال الداخلي اهم شي

اني ما اضيع وقتي اسولف مع ناس تفكيرهم #تافه *القيل و القال


xo Ms Poet

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s